Португалия миллий жамоаси ҳужумчиси Криштиану Роналду жаҳон чемпионати 2-турида Ўзбекистонга қарши баҳсда дублни расмийлаштирди.
Шу тариқа, 41 ёшли футболчининг миллий жамоадаги голлари сони 145 тага етди. У Португалиянинг жаҳон чемпионатларидаги яққол тўпурарига айланди. Унинг ҳисобида турнир доирасида голлари 10 тани ташкил этмоқда.
Таққослаш учун, Аргентина миллий жамоаси форварди Лионел Месси ҳисобида 122 та гол бор. Ҳозирда у 5 та гол билан ЖЧ-2026да тўпурар бўлиб турибди.
Бундан ташқари, Роналду жаҳон чемпионатлари тарихида 40 ёшдан катта бўлган ҳолда дубл қайд этган ягона футболчи сифатида ҳам тарихга кирди.
