«Лион» бош мураббийи Паулу Фонсека жамоани тарк этган тақдирда, унинг ўрнини Тиаго Мотта эгаллаши мумкин. Бу ҳақда Football Italia нашри хабар бермоқда.
Франция чемпионатида 9 турдан кейин 3-ўринда бораётганига қарамай, португалиялик мутахассиснинг клубдан кетиши эҳтимоли бор.
L’Équipe нашри маълумотига кўра, Фонсека раҳбариятдан жамоани тарк этишга рухсат беришни сўраган. У Лиссабоннинг «Спортинг» клубини бошқаришни истамоқда.
Агар Фонсека «Лион»ни тарк этса, унинг ўрнига номзодлардан бири Тиаго Мотта бўлиши мумкин.
Италиялик мутахассис 2025 йил март ойидан буён ишсиз. У «Ювентус»ни тайинланганидан бир йил ҳам ўтмай тарк этган. Унга қадар Мотта «Болоня»да муваффақиятли фаолият олиб бориб, жамоани 2023/24 йилги мавсумда Чемпионлар лигаси йўлланмасига олиб чиққан эди.
2026 йил июн ойи бошида «Ювентус» Мотта билан шартномани расман бекор қилган. Шу тариқа, мутахассис янги клуб билан шартнома имзолаш ва мураббийлик фаолиятини давом эттириш имкониятига эга.
