Месси Испания клубини сотиб олмоқда

Лионел Месси Испаниянинг иккинчи лигасида ўйнайдиган «Элденсе» футбол клуби эгасига айланади.

AS нашри маълумотларига кўра, аргентиналик юлдузнинг юристлари бир қанча муддатдан буён Хуан Карлос Трухилио бошчилигидаги Колумбиянинг TH инвестиция гуруҳи билан музокаралар олиб бораётганди. 8 сентябр куни эса томонлар принципиал келишувга эришди.

Унга кўра, дунёнинг энг совриндор футболчиси Испания иккинчи дивизионида иштирок этаётган клубнинг назорат қилувчи акциялар пакетига эга бўлади. Бироқ битимнинг якуний амалга ошиши учун Спорт бўйича Олий кенгаш (CSD) рухсат бериши керак.

Месси лойиҳада ягона инвестор сифатида иштирок этмоқда. Бошқа бизнес ҳамкорлар ёки собиқ футболчилар битимга жалб қилинмаган.

Томонлар келишув ҳақида яқин кунларда расман эълон қилишни режалаштирмоқда.

Шу тариқа Лионел Испанияда профессионал футбол клубига эгалик қилувчи биринчи аргентиналик бўлади.