Матетага Европанинг 3 та топ клуби қизиқиш билдирмоқда

«Кристал Пэлас» марказий ҳужумчиси Жан-Филипп Матета яқин вақт ичида фаолиятини Европанинг бошқа клубларида тўп тепиши мумкин.

Журналист Руди Галеттининг маълум қилишича, франциялик 29 ёшли форвардга «Атлетико», «Ювентус»иҳамда «Манчестер Юнайтед» клублари жиддий қизиқиш билдирмоқда.

Манбага кўра, «Кристал Пэлас» футболчини сотишга тайёр ва унинг трансфер нархини 29,5 миллион евро деб баҳолаган. Келаси ҳафталарда клублар ўртасидаги музокаралар янада фаоллашиши кутилмоқда.

Аввалроқ «Кристал Пэлас» Матетага 2030 йилгача мўлжалланган янги шартнома таклиф қилгани ҳақида хабарлар тарқалган эди.

Ўтган мавсумда Матета «бургутлар» либосида барча турнирлар доирасида 50 та ўйинда иштирок этиб, 16 та гол урди ва 3 та голли узатмани амалга оширди.