«Манчестер Юнайтед» ҳимоячиси Лисандро Мартинес тиззасидаги жароҳатдан сўнг яна жамоа билан машғулотларни бошлади. Бу ҳақда клуб матбуот хизмати хабар берди.
27 ёшли аргентиналик футболчи февраль ойининг бошидан бери майдонга туша олмаган эди. У АПЛнинг 24-турида «Кристал Пелас»га (0:2) қарши ўйинда тиззасидаги крустосимон пайларни шикастлаб олганди.
Шундан сўнг Мартинес жарроҳлик амалиётини ўтказган ва бир неча ой давомида индивидуал тикланиш дастури асосида шуғулланган. Эндиликда у асосий жамоа машғулотларига тўлиқ қўшилган.
Мартинеснинг яқин ҳафталарда сафга қайтиши «Манчестер Юнайтед» ҳимоя чизиғини мустаҳкамлаши кутилмоқда.
