Миланнинг «Интер» клуби спорт директори Перо Аузилио жамоани тарк этади. Томонлар ўзаро келишиб ҳамкорликни тўхтатишга қарор қилишган. Бу ҳақда инсайдер Фабрицио Романо хабар берди.
Машҳур инсайдернинг маълумотларига кўра, келишувга эришилган ва қарор тасдиқланган. Ўз навбатида 51 ёшли мутахассиснинг кейинги манзили Англия чемпионати бўлиши мумкин - Аузилио хизматларига АПЛ клублари қизиқмоқда.
Аузилио Милан клубида 2014 йилдан буён ишлаб келаётган эди. Унинг амалдаги шартномаси 2027 йилгача мўлжалланган эди.
Маълумот учун, «Интер» А Серия янги мавсум стартида 2 та ғалаба қозониб, жадвалда 2-ўринни банд этиб турибди.
