Италия миллий жамоаси бош мураббийи Женннаро Гаттузо ЖЧ-2026 саралаши плей-оффидан ўрин олган Шимолий Ирландияга (2:0) қарши ўйиндан сўнг ўз фикрлари билан ўртоқлашди.
«Бу ғалаба умуман осон бўлмади. Рақиб ҳатто бизни ҳайратда қолдирди, улар вертикал узатмаларга ҳаракат қилишди. Биз эса яхшироқ ўйнашимиз мумкин эди.
Локателли жуда ортда ҳаракат қилди. Биз ўйинни керакли даражада ривожлантира олмадик ёки тайёргарликдагидек ўйнамадик, лекин уддаладик ва буни оддий ҳол деб қабул қилиб бўлмайди. Жуда секин ҳаракат қилдик, Локателлини ортга сиқиб қўйишди, аммо танаффусдан кейин тўпни тезроқ ҳаракатлантирдик ва энди олдимизда финал турибди. Бу қийин, шунинг учун энди куч тўплашга ҳаракат қилишимиз керак.
Яна бир бор Бергамодаги мухлисларга раҳмат айтаман. Мен деярли масхараларни эшитмадим ва танаффусда кийиниш хонасига қарсаклар остида кириб бордик. Бергамо аҳолисига миннатдорчилик билдираман ва энди биз биргаликда финалга йўл оляпмиз», — деди Гаттузо RAI Sport’га берган интервюсида.
Италия 31 март куни сафарда Босния ва Ҳерцеговина билан ўйнайди. Баҳс ғолиби мундиалга йўлланма олади.
