«Реал» ҳужумчиси Карлос Эспи 15 сентябр, сешанба куни бўлиб ўтган ва Мадрид клубининг 3:2 ҳисобидаги ғалабаси билан якунланган Испания Ла Лигасининг 6-тури доирасидаги «Элче»га қарши ўйиндаги ғалаба голидан сўнг, ижтимоий тармоқда пост қолдирди.
Маълумот учун, Эспи 87-дақиқада, 2:2 ҳисоби қайд этилаётган бир пайтда Трент Александер-Арнолднинг ўрнига майдонга тушди ва Килиан Мбаппенинг узатмасидан сўнг рақиб дарвозасини ишғол қилди.
«Жамоага ёрдам бера олганимдан ва яна бир ғалабани қўлга киритганимиздан хурсандман. Ишлашда давом этамиз», - деб ёзди Эспи ижтимоий тармоқда.
Бу испаниялик футболчининг «Реал» сафидаги иккинчи голи ҳисобланади. Форварднинг дебют голи 2-турда «Эспанёл»га қарши ўйинда (2:1) киритилганди. Ўшанда ҳам Эспи учрашув охирида, 80-дақиқада захирадан майдонга туширилган ва 90-дақиқада ғалаба голини киритганди.
Эслатиб ўтамиз, 2026 йилнинг июл ойи охирида Эспи «Леванте»дан «Реал»га ўтганди. 21 ёшли ҳужумчининг Мадрид клуби билан амалдаги шартномаси 2031 йилнинг июн ойигача мўлжалланган.
