«Real» hujumchisi Karlos Espi 15 sentyabr, seshanba kuni bo‘lib o‘tgan va Madrid klubining 3:2 hisobidagi g‘alabasi bilan yakunlangan Ispaniya La Ligasining 6-turi doirasidagi «Elche»ga qarshi o‘yindagi g‘alaba golidan so‘ng, ijtimoiy tarmoqda post qoldirdi.
Ma’lumot uchun, Espi 87-daqiqada, 2:2 hisobi qayd etilayotgan bir paytda Trent Aleksander-Arnoldning o‘rniga maydonga tushdi va Kilian Mbappening uzatmasidan so‘ng raqib darvozasini ishg‘ol qildi.
«Jamoaga yordam bera olganimdan va yana bir g‘alabani qo‘lga kiritganimizdan xursandman. Ishlashda davom etamiz», - deb yozdi Espi ijtimoiy tarmoqda.
Bu ispaniyalik futbolchining «Real» safidagi ikkinchi goli hisoblanadi. Forvardning debyut goli 2-turda «Espanyol»ga qarshi o‘yinda (2:1) kiritilgandi. O‘shanda ham Espi uchrashuv oxirida, 80-daqiqada zaxiradan maydonga tushirilgan va 90-daqiqada g‘alaba golini kiritgandi.
Eslatib o‘tamiz, 2026-yilning iyul oyi oxirida Espi «Levante»dan «Real»ga o‘tgandi. 21 yoshli hujumchining Madrid klubi bilan amaldagi shartnomasi 2031-yilning iyun oyigacha mo‘ljallangan.
