Madridning «Real» klubi bosh murabbiyi Joze Mourinio La Liganing 6-turida «Elche» ustidan qozonilgan g‘alabaga munosabat bildirdi.
«Qaymoqranglilar» uzoq vaqt davomida 2:0 hisobida oldinda borishdi, biroq bahs oxirida raqibga hisobni tenglashtirishga imkon berishdi. 91-daqiqada zaxiradan maydonga tushgan Karlos Espi «Real»ga g‘alaba keltirgan golni urdi.
«Futbolchilarga nisbatan yagona e’tirozim — shunday imkoniyatlar yuzaga kelganda bahsni yakunlay olishmayapti. Asabiy yakun uchun hech qanday sabab yo‘q edi. Yana bir necha bor gol urib, masalaga nuqta qo‘yishimiz mumkin edi, ammo buni uddalay olmadik va «Elche»ning bahsga qaytishiga imkon berdik.
Uch, to‘rt, beshta ajoyib imkoniyatni boy berdik. Shundan keyin oddiy kechayotgan bahs birdaniga juda murakkab tus oldi», — dedi Mourinio Madrid Zone nashriga.
Ma’lumot uchun, «Real» La Liga turnir jadvalida 15 ochko bilan 2-o‘rinda bormoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi