Мавсумнинг биринчи қисмини «Хоразм»да ўтказган Достонбек Турсунов яна легионерга айланди.
30 ёшли ҳимоячи Ҳонгконгнинг «Ли Ман» клуби билан битим имзолаган. Футболчи аллақачон Таиландга йўл олган ва тез орада янги жамоаси учун тиббий кўрикдан ўтади.
«Ли Ман» клуби Таиландда янги мавсумга тайёргарликни давом эттирмоқда. Ўтган мавсум «аждарлар» Ҳонгконг Премер-лигасида 2-ўринни эгаллаганди.
Футболчи биринчи даврада урганчликлар сафида 13 ўйинда майдонга тушганди.
Аввалроқ Турсунов фаолиятини Эрон чемпионатида давом эттириши мумкинлиги хабар қилинганди.
