«Ливерпул» вингери Брэдли Барколя Англия Премер-лигаси ва Франция чемпионати ўртасидаги фарқлар ҳақида фикр билдирди.
«Франция чемпионати жисмоний жиҳатдан жуда оғир. Аммо Англияда бу борадаги юклама янада юқори, деб айтган бўлардим. Интенсивлик жуда баланд. Лекин мен айнан шунинг учун бу ерга келдим. Айтишим мумкинки, бу мен учун янги чақириқ», — деди футболчи Sky Sports нашрига берган интервюсида.
Эслатиб ўтамиз, «қизиллар» ёзги трансферлар ойнасида Барколяни «ПСЖ»дан 125 миллион еврога сотиб олган эди.
Бироқ у мерсисайдликлар сафида барча турнирларда олтита учрашувда майдонга тушган бўлса-да, ҳозирча бирорта гол ёки голли узатмани ўз ҳисобида қайд этмади.
Маълумот учун, «Ливерпул» АПЛнинг олти туридан сўнг 9 очко жамғарган ҳолда турнир жадвалининг тўққизинчи поғонасини эгаллаб турибди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади