Англия Кубоги яримфиналида «Лидс» устидан ғалаба голидан сўнг, «Челси» афсонаси Жо Коул жамоа яриҳимоячи Энцо Фернандеснинг ҳаракатларини юқори баҳолаб, аргентиналикни «жангчи» деб атади.
Футболчи «Уэмбли»да «аристократлар»га 1:0 ҳисобида қийин ғалаба олиб келган гол муаллифига айланди ва клуб учун мураккаб даврда танқидчиларга ўзига хос жавоб берди.
Энцо собиқ мураббий Маресканинг клубдан кетиши ва ўзи Мадриднинг «Реал» жамоасига ўтишга қизиқиш билдирганига доир изоҳлардан сўнг кескин танқидларга сабаб бўлган эди.
Майдон ташқарисидаги гап-сўзларга қарамай, Фернандес яримҳимоя марказида ажойиб ўйин кўрсатди.
«Мен бу йигитни таърифлашга сўз топа олмайман. Унинг интервюларидан сўнг саволлар пайдо бўлди, лекин у майдонга чиққан вақтда жангчи ва қаҳрамонга айланади», — дея Коул сўзларидан иқтибос келтирди TNT Sportsга.
