Fransiya milliy jamoasi forvardi Kilian Mbappe golini bosh murabbiy Didiye Desham bilan nishonlagani haqida gapirdi.
Musobaqa davomida, bir necha kun avval, murabbiy oilasida fojia yuz berdi – uning onasi vafot etdi. Jamoa sardori JCH-2016 1/16 finali doirasidagi Shvetsiyaga qarshi bahsda urgan golini Desham bilan nishonlash orqali, uni qo‘llab-quvvatlashni niyat qilgan.
«Murabbiy nimalarni boshdan kechirganini yaxshi bilamiz. Biz doim u bilan birga ekanligimizni yaxshi biladi. Uni har qanday vaziyatda ham qo‘llab-quvvatlaymiz», – dedi Mbappe o‘yindan keyingi intervyusida.
O‘yin 3:0 hisobida Fransiyaning g‘alabasi bilan yakunlandi. Madridning «Real» klubi forvardi dublni rasmiylashtirdi va FIFA tomonidan topshiriladigan o‘yinning eng yaxshi futbolchisi sovriniga sazovor bo‘ldi.
Eslatib o‘tamiz, endi 1/8 finalda Fransiya milliy jamoasi Paragvayga qarshi maydonga tushadi.
