Fransiya milliy jamoasi jahon chempionatlari tarixida unikal natijaga erishdi. Bu borada Desham jamoasi mundiallar tarixidagi ilk jamoaga aylandi. Shvetsiya ustidan qozonilgan g‘alabadan (3:0) keyin Didiye Desham shogirdlari jahon chempionatlari tarixida qatorasiga 5 ta o‘yinda 3 va undan ko‘p gol urishga erishgan ilk jamoaga aylandi.
Bu seriya jahon chempionati-2022 finalida boshlangan bo‘lib, o‘shanda fransuzlar Argentina darvozasini uch bor ishg‘ol etishgandi. Undan so‘ng fransuzlar JCH-2026da ham samaradorlik ko‘rsatdi va Senegal (3:1), Iroq (3:0), Norvegiya (4:1) hamda Shvetsiyaga qarshi (3:0) o‘yinlarda ham kamida uchta gol urishga erishdi.
Eslatib o‘tamiz, JCH 1/8 finalida Fransiya Paragvay bilan ro‘baro‘ keladi.
