UFC rahbari Dana Uayt Islom Maxachev va Konor Makgregorning yozda jang qilishi haqidagi mish-mishlarga izoh berdi.
«Ali Abdul-Aziz iyul oyi haqida gapirgandi. Menimcha, Islom avgustda qaytadi.
Konor iyulda jang qiladimi? Balki. Bu haqida hali kelishuvga yaqin ham emasmiz. Lekin men bu masalaga optimistik qarayman», – dedi Uayt.
Avvalroq Uayt Maxachev qo'lidan jarohatlanganini va hozircha jang qila olmasligini aytgandi.
Makgregor esa oxirgi marta 2021 yil iyul oyida jang qilgan. Dastin Porie bilan uchinchi to'qnashuvda uning oyog'idan singan va texnik nokaut bilan mag'lub bo'lgandi.
