«Катта дубулға» туркумига кирувчи мусобақаларнинг тўрт карра чемпиони, дунёнинг биринчи ракеткаси италиялик теннисчи Янник Синнер тиззасидан олган жароҳатидан кейин даволанишни давом эттириш учун 2026-йилги мавсумни муддатидан олдин якунлашини маълум қилди.
«Ҳаммага салом! Сизлар билан янгиликларни баҳам кўрмоқчиман. Шифокорлар билан биргаликда тиззамни даволаш курси зарурлиги борасида қарор қилдик, бу эса мен учун мавсум расман якунланганини англатади. Сўнгги бир неча йил — айниқса, Туриндаги финал — менга жуда кўп ажойиб ҳис-туйғулар ва ҳиссиётларни ҳадя этди. Бу йил бутунлай бошқача бўлди. Ҳозир мен узоқ муддатли фаолиятим ҳақида ҳам ўйлашим керак.
Шунинг учун 100% спорт формамни тиклаш, сафга қайтиш учун қўлимдан келганини қиламан. Қўллаб-қувватлаганингиз учун олдиндан миннатдорчилик билдираман ва сизни тез орада яна кортда кўришга умид қиламан», - деб ёзди Синнер ижтимоий тармоқлардаги саҳифасида.
Эслатиб ўтамиз, Синнер Уимблдон-2026дан кейин ўтказилган АТР мусобақаларида иштирок этмади. Италиялик спортчи тиззасидан олган жароҳати туфайли АҚШдаги барча ҳард қопламали кортда ўтказилган турнирлар сериясини, шунингдек, US Open-2026 мусобақасини ўтказиб юборишга мажбур бўлди.
