«Вест Ҳэм» клуби бош мураббий Грэм Поттерни истеъфога чиқарганини маълум қилди.
Лондон клуби ортда қолган олтита учрашувнинг 5тасида мағлуб бўлди. Жумладан, Англия лига кубогида «Вулверҳэмптон»га ютқазиб, турнирни тарк этди.
«Жамоанинг натижалари кутилган даражада бўлмади. Бошқарув кенгаши вазиятни имкон қадар тезроқ яхшилаш учун ўзгаришларни амалга оширишга қарор қилди. Клуб Грэм ва унинг мураббийлар штабига «болғачилар» билан қилган меҳнатлари учун миннатдорчилик билдиради», — дейилади Лондон клуби баёнотида.
Поттер 2025 йилнинг январидан бери «болғачилар»ни бошқариб келаётганди. Унинг қўл остида жамоа 25 ўйинда 6 бор ғалаба қозонди.
Эндиликда клуб бош мураббийлиги учун Нуну Эспиринто Санту, Славен Билич ва Гарри О’Нил каби номзодлар даъвогарлик қилмоқда.
