Хорватиялик мутахассис Славен Билич кутилмаганда Лондоннинг «Вест Ҳэм» жамоасига қайтиши мумкин. Бу ҳақда журналист Алекс Крук хабар берди.
Маълум қилинишича, «Вест Ҳэм» эгаси Дэвид Салливан клуб бош мураббийини истеъфога чиқаришни ўйламоқда. Агар Грэм Поттер «болғачилар» бош мураббийи лавозимидан озод этилса, жамоа рўйхатида биринчи рақамли номзод айнан Билич ҳисобланади.
Шу билан бирга, шорт-листда бошқа номзодлар ҳам бор. Масалан, яқинда «Ноттингҳэм Форест»дан бўшатилган Нуну Эшпириту Санту ва 2025 йил январ ойигача «Эвертон»ни бошқарган Шон Дайч шулар жумласидан.
Маълумот ўрнида, Славен лондонликлар бошқарувида 2015–2017 йилларда ишлаган эди. Аввалроқ унинг Ўзбекистон миллий жамоасини бошқариши мумкин экани маълум қилинганди.
