«Манчестер Сити» ҳужумчиси Эрлинг Ҳоланд мавсум охиридаги очко йўқотишлардан кейин ҳиссиётларини яширмади.
Норвегиялик футболчи жамоа кейинги мавсумда Англия Премер-лигасини ютиш учун бор кучини ишга солишини таъкидлади.
«Охир-оқибат Премер-лигадаги ҳар бир ўйин қийин эканлигини билдик. Биз ҳаракат қилдик, аммо бу етарли бўлмади. Энди бутун клуб бундан мотивация сифатида фойдаланиши керак. Биз жаҳлимиз чиқиши, ичимизда олов ёниши керак, чунки бу етарли эмас.
Икки йил ўтди, аммо бу гўёки абадийдек туюлмоқда. Кейинги мавсумда чемпионликни қўлга киритиш учун қўлимиздан келган барча ишни қиламиз», — деди Ҳоланд клуб матбуот хизматига.
37-турда «Манчестер Сити» сафарда «Борнмут» билан 1:1 ҳисобида дуранг ўйнади. Ҳоланд учрашувнинг 90+5-дақиқасида гол уриб, жамоасини мағлубиятдан қутқариб қолди.
Мавсум якунига бир тур қолганида «шаҳарликлар» 78 очко билан иккинчи ўринда бормоқда.
82 очкога эга «Арсенал» эса муддатидан олдин Англия чемпионлигини расмийлаштирди.
