«Барселона» бош мураббийи Ҳанс-Дитер Флик Ла Лиганинг 12-турида «Селта» устидан қозонилган 4:2 ҳисобидаги ғалабадан сўнг ўз фикрларини билдирди.
«Жамоадан мамнунман. Биз майдонда бажарган ишларимизни қадрлайман. Биринчи бўлимда хатоларга йўл қўйдик, аммо танаффусдан сўнг анча яхшироқ ўйнадик, ҳимояда ишончлироқ ҳаракат қилдик.
Футболда ўтмишда қилган ишларингиз аҳамиятга эга эмас. Иккинчи бўлимдаги ўйин бизга келажак учун ишонч бағишлайди.
Биз фақат ўз ўйинимизга эътибор қаратамиз, аммо пешқадамлик учун курашаётган рақибингизга босим ўтказиш – бу яхши нарса. Ғалаба билан танаффусга чиққанимиздан хурсандман, чунки бу жуда муҳим.
Баъзан айрим нарсалар ҳақида гапириш керакдек туюлади, аммо атрофимизда шусиз ҳам шовқин жуда кўп. Ўйин ёқди ва биз уни таҳлил қиламиз.
Жароҳатлар – бу баҳона эмас. Ўйлайманки, биз ўсишда давом этяпмиз ва тўғри йўлдамиз — ҳам Ла Лигада, ҳам Чемпионлар Лигасида.
Биз ҳар доим ҳар бир ўйинни таҳлил қиламиз. Бугун ҳам шундай қиламиз, чунки ҳамма нарса идеал чиқмади. Бироқ биз қилган ишимизга ишонч билан ёндашдик», – деди «Барселона» бош мураббийи.
