«Арсенал» бош мураббийи Микел Артета Пеп Гвардиола ва «Манчестер Сити»га қарши 17 та ўйиннинг фақат 4 тасида ғалаба қозонган.
19 апрел куни «шаҳарликлар» ўз майдонида лондонликларни 2:1 ҳисобида мағлуб этди. Манчестер клуби турнир жадвалида иккинчи ўринни эгаллаб турибди ва бир ўйини кам бўлган ҳолда «Арсенал»дан 3 очкога орқада.
Ўзаро 17 та ўйинда Гвардиола Артетадан 10 бор устун келган, 4 марта мағлуб бўлган ва яна 3 та баҳс дуранг билан якунланган.
Таъкидлаш керакки, Артета мураббийлик фаолиятида энг кўп Гвардиолага қарши ўйнаган. Иккинчи натижа эса «Ливерпул»нинг собиқ мураббийи Юрген Клопп билан баҳсларга тўғри келади — 14 ўйин.
Пепдан учралган 10 та мағлубият Артета учун энг ёмон натижадир, Клоппга эса 6 марта ютқазган.
Эслатиб ўтамиз, Артета мустақил мураббийлик фаолиятини «Арсенал»да бошлашдан олдин 2016-2019 йилларда «Манчестер Сити»да Гвардиоланинг ёрдамчиси бўлган.
