«Манчестер Юнайтед» собиқ футболчиси Патрис Эвра АПЛдаги чемпионлик интригаси «Арсенал»нинг сўнгги натижалари туфайли кўз ўнгида йўқолиб бораётганини таъкидлади.
«Мен «Арсенал»да ғалабага бўлган иштиёқ ва ишончни кўрмаяпман. Агар ўзинг ишонмасанг, бошқалар ҳам ишонмайди.
Улар яна ўша ҳолатни бошдан кечиряпти, яна чемпионат давомида устунликни қўлдан бой беришмоқда.
Албатта, Гвардиола бу имкониятни бу сафар ҳам қўлдан чиқармайди», — дея собиқ франциялик футболчидан иқтибос келтиради derbyderbyderby.it.
Эслатиб ўтамиз, АПЛ сўнгги турида «Манчестер Сити» «Арсенал»ни 2:1 ҳисобида мағлуб этганди.
