«Милан» бош мураббийи Рубен Аморим клубнинг трансфер бозоридаги ишларига юқори баҳо берди.
«Менинг футболчиларим дунёдаги энг яхшилардан, шунинг учун 8 ёки 9 балл қўймайман. Биз сотиб олган ҳар бир футболчи жамоамизга идеал даражада мос келади, шунинг учун 10 балл қўяман. Менда дунёдаги энг яхши таркиб бор.
Вазиятни ҳисобга олиш керак. Бизга турли хусусиятларга эга бўлган икки нафар ҳужумчи керак бўлиши мумкинлигини тушуняпмиз. Нима бўлишини билмаймиз, балки ушбу позицияда бироз танқислик юзага келар.
Менимча, ҳужумда позицияларини алмаштириб турадиган уч футболчи билан ҳам ўйнай оламиз. Кўриб турганингиздек, бу ерда биз кўпинча футболчиларни индивидуал тарзда қўриқлаймиз.
Шунинг учун, масалан, Кристиан Пулишичга ўхшаш хусусиятларга эга ҳужумчи айрим учрашувларда фойдали бўлиши мумкин», — деди Аморим.
Маълумот ўрнида, «Милан» А Сериядаги дастлабки икки учрашувида «Торино» ва «Венеция»ни мағлуб этди. Агар «Ювентус» устидан ҳам ғалаба қозонса, Аморим клуб тарихида Италия чемпионатидаги дастлабки учта ўйинини ғалаба билан бошлаган тўртинчи мураббийга айланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади