Rodri “Barsa”dagi debyutidan soʻng: “Avvalgi ritmga tezroq qaytishim kerak”

Rodri “Barselona”dagi debyutidan soʻng oʻz his-tuygʻulari bilan oʻrtoqlashdi.

“Manchester Siti”dan 76,5 million yevro evaziga kataloniyaliklar safiga oʻtgan ispaniyalik yarimhimoyachi La Liganing 1-turi doirasidagi “Atletik”ka (2:0) qarshi uy oʻyinida ikkinchi boʻlimda zaxiradan maydonga tushdi.

“Debyutimdan juda xursandman, gʻalabadan mamnunman. Ritmga kirish va bu ajoyib jamoaga moslashish muhim. Dastlabki bir necha daqiqa menda yoqimli taassurot qoldirdi. Bu yoz odatdagidan uzoqroq boʻldi. Men avvalgi ritmimga imkon qadar tezroq qaytishim kerak. Hammasi men xohlagandek boʻldi va natijadan mamnunman. Endi ishga kirishish vaqti keldi.

Yamal uchun qiyin davr boʻldi, ammo hozir u tiklandi va oʻzining eng yaxshi formasini namoyish etmoqda. Biz undan aynan shuni kutayapmiz — mehnatsevarlik va barqarorlikni. Chunki unda isteʼdod bor, gollar esa oʻz-oʻzidan keladi”, — dedi Rodri DAZN nashriga bergan intervyusida.