Portugaliya milliy jamoasi Norvegiyaga qarshi bahs (2:1)dan so‘ng Millatlar Ligasining A divizionida muddatidan avval chorakfinal bosqichiga yo‘l oldi.
Jorge Jezush boshchiligidagi jamoa pley-off bosqichiga chiqish uchun zarur bo‘lgan ochkolarni boshqa ishtirokchilardan avval jamg‘arishga muvaffaq bo‘ldi. Portugaliya guruh bosqichida hozirga qadar o‘tkazgan to‘rtta uchrashuvining barchasida g‘alaba qozondi.
Portugaliyaliklar Norvegiya milliy jamoasini ikki marta mag‘lub etdi. Shuningdek, Jorge Jezush shogirdlari Daniya va Uelsga qarshi bahslarda ham uch ochkodan qo‘lga kiritdi.
Shu tariqa, jamoa to‘rtta o‘yindan so‘ng yuz foizlik natija qayd etib, Millatlar Ligasining chorakfinalida ishtirok etish huquqini kafolatladi.
Ma’lumot o‘rnida, musobaqaning chorakfinal uchrashuvlari mart oyining oxirida bo‘lib o‘tadi. Portugaliyaning ushbu bosqichdagi raqibi keyinroq ma’lum bo‘ladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi