Gavi jarohat oldi

«Barselona» yarimhimoyachisi Gavi La Liganing 2-turidan o‘rin olgan «Elche»ga (5:0) qarshi o‘yinda jarohat oldi.

44-daqiqada ispaniyalik futbolchi o‘ng oyog‘ida noqulaylik his qilib, maysaga o‘tirib qoldi.

Maydonga tibbiy xodimlar yugurib chiqishdi. Tibbiy yordam ko‘rsatilganiga qaramay, kataloniyaliklarning 22 yoshli a’zosi o‘yinni davom ettira olmadi. 45-daqiqada uning o‘rniga jamoadoshi Pedri maydonga tushdi.

Eslatib o‘tamiz, Gavi o‘tgan mavsumda tizzasidagi jarrohlik amaliyotidan keyin 46 ta o‘yinni o‘tkazib yuborgan.