Португалия миллий жамоаси бош мураббийи Жорже Жезуш Миллатлар Лигаси доирасидаги Норвегияга қарши ўйин (2:1)дан сўнг Криштиану Роналду билан боғлиқ вазиятга муносабат билдирди. Мутахассис ҳужумчининг миллий жамоадаги фаолиятини давом эттиришини хоҳлашини таъкидлади.
«Криштиану — глобал тимсол. Шунинг учун ўйиндан кейин ҳам у миллий жамоага фақат ўзи шундай қарор қилсагина қайтмаслигини айтдим. Бунга ҳеч қандай шубҳам йўқ.
Орамиздаги вазият жуда бўрттирилди. Кўпчилик аралашиб, аслида муаммо бўлмаган ҳолатни катта муаммодек кўрсатди. Мураббий футболчини, ҳатто у шундай мақомга эга бўлса ҳам, қизиш учун юборди, аммо майдонга туширмади. Шунинг ўзи катта муаммога айлантирилди.
Мен унинг қолишини хоҳлайман. У фаолияти бир кун келиб якунланишини билади. Лекин мен Криштиану миллий жамоадаги фаолиятини ўзи истаган тарзда якунлашини хоҳлайман. Қарорни унинг ўзи қабул қилади.
Уни миллий жамоага илк бор чақирганимда: «Сен менга кераксан. Ўйнайсанми ёки йўқми, барибир менга кераксан», дегандим. Ҳозир ҳам ҳеч нарса ўзгармаган», — деди Жезуш.
Мухлислар бу янгиликни Telegram’да муҳокама қилмоқда
Изоҳлар Telegram’да очилади