Португалия миллий жамоаси бош мураббийи Жорже Жезуш Криштиану Роналдудан узр сўрашдан бош тортди.
«Мен ҳеч кимдан узр сўрамайман. Бутун воқеага сабаб бўлган муаммо футболчининг қизиб олиш машқларини бажаргани билан боғлиқ эди.
Бу қарор ва содир бўлган воқеа учун масъулиятни ўз зиммамга оламан. Лекин нима учун узр сўрашим керак? Кимдан? Қайси сабабга кўра? Буларнинг бари ёлғон» — дея Жезушнинг сўзларини келтиради Record нашри.
Қайд этиш лозим, Роналду Жезушнинг можаро йўқлиги ҳақидаги баёнотларига қарамай, Данияга қарши Миллатлар Лигасининг 3-тур учрашуви (4:2) олдидан миллий жамоа қароргоҳини тарк этганди.
Португалиянинг қатор ОАВлари Криштиану миллий жамоадаги фаолиятини якунлаш ниятида экани ҳақида хабар берди. Шунингдек, Жезуш ҳужумчи билан ярашув учрашувини ўтказишга рози бўлгани ва футболчини ноябр ойидаги ўйинлар учун миллий жамоа таркибига киритишни режалаштираётгани айтилган.
Маълумот ўрнида, португалияликлар Миллатлар Лигасининг 4-турида Норвегияни 2:1 ҳисобида мағлуб этди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади