Чимкентнинг «Ордабаси» клуби Қозоғистон Премер-лигасининг 2026 йилги мавсумида муддатидан олдин чемпионликни қўлга киритди.
«Ордабаси»нинг чемпионлигига Олмаотанинг «Қайрат» клуби чемпионатнинг 29-турида «Актобе»га қарши баҳсда очко йўқотганидан сўнг ойдинлик киритилди. Учрашув 2:2 ҳисобида якунланди.
Чемпионат тугашига бир тур қолганида Андрей Мартин шогирдларининг энг яқин таъқибчисидан фарқи тўрт очкони ташкил этмоқда. Бу эса «Ордабаси»га мавсум якунигача етиб олиб бўлмайдиган устунликни таъминлади.
Шу тариқа, Шимкент клуби ўз тарихида иккинчи марта Қозоғистон чемпионига айланди. Жамоа илк бор 2023 йилги мавсумда мамлакатнинг энг кучли клуби бўлган эди.
Қозоғистон чемпионатининг энг кўп чемпионликни қўлга киритган клуби эса пойтахтнинг «Остона» жамоаси бўлиб, унинг ҳисобида еттита титул бор.
Мухлислар бу янгиликни Telegram’да муҳокама қилмоқда
Изоҳлар Telegram’да очилади