«Андижон» клуби яримҳимоячи Азизбек Турғунбоевнинг трансферини эълон қилди.
Ўзбекистон миллий жамоаси футболчиси «бургутлар» билан келишувга эришди. Футболчи бунга қадар «Пахтакор» клубида тўп тепиб келаётганди.
Маълумот учун, Турғунбоев 1994 йилда Наманганда таваллуд топган. Фаолияти давомида «Навбаҳор», «Пахтакор» ва Туркиянинг «Сивасспор» жамоларида ўйнаган.
Шу кунга қадар у 275 та ўйинда майдонга тушиб, 46 та гол урган ва 20 ассистни қайд этган.
2018 йилдан бери Ўзбекистон миллий жамоасида ўйнаб келади. Бу вақтга қадар 43 ўйинда 6 та голга муаллифлик қилган. 3 карра Ўзбекистон чемпиони, 2 бор Суперкубок соҳибига айланган. Шунингдек, 1 марта Ўзбекистон кубогига эришган.
