«Реал» яримҳимоячиси Федерико Валверде жамоадоши Орелиен Чуамени билан жанжалдан сўнг шифохонага ётқизилгани ҳақида хабар берилган эди.
АS нашрига кўра, можаро кийиниш хонасида бошланган — Валверде Чуаменининг узатган қўлини сиқишдан бош тортган. Бу эса машғулот давомида кескин муҳит юзага келишига сабаб бўлган.
Қайд этилишича, машғулотнинг охирги қисмида футболчилар ўртасида оғзаки тортишув жисмоний тўқнашувга айланган. Жамоадошлар уларни ажратишга уринган, бироқ Валверде зарба олиб, юз қисмидан жароҳат олган.
Шундан сўнг уругвайлик футболчи яқин шифохонага олиб борилган ва унинг йиртилган жойлари тикиб қўйилган. «Реал» бош мураббийи Алваро Арбелоа ҳам футболчи билан бирга шифохонага борган.
Шифокорлар кўригидан сўнг Валверде уйига қайтган ва ҳозир тикланиш жараёнини ўтказмоқда.
Эслатиб ўтамиз, аввалроқ «Реал» футболчилари Рюдигер ва Каррерас ўртасида ҳам низо келиб чиққан эди.
