Дунёнинг олтинчи ракеткаси, полшалик теннисчи Ига Швёнтек Хитойнинг Уҳан шаҳрида бўлиб ўтаётган WTA-1000 турнирининг финалига чиқа олмади. Яримфинал беллашувида у ҳамюрти Мая Хвалинскага (рейтингнинг 22-рақами) 5:7, 1:6 ҳисобида мағлуб бўлиб, мусобақани тарк этди.
2 соат 5 дақиқа давом этган баҳсда Мая Хвалинска иккита эйс амалга оширди ва бирорта ҳам қўш хатога йўл қўймади. Шунингдек, 10 та брейк-пойнтдан 6 тасидан унумли фойдаланди. Ига Швёнтек эйс амалга ошира олгани йўқ, тўртта қўш хатога йўл қўйди ва беллашув давомида саккизта брейк-пойнтдан бор йўғи иккитасидан унумли фойдаланди.
Маълумот учун, Уҳандаги мусобақа финалида, бош соврин учун Хвалинска британиялик теннисчи Сона Картал билан куч синашади.
