ESPN nashri Ispaniya chempionatining yakunlangan mavsumi bo‘yicha o‘z talqinidagi asosiy nominatsiyalar g‘oliblarini e’lon qildi.
Manbaga ko‘ra, mavsumning eng yaxshi futbolchisi sifatida «Barselona» vingeri Lamin Yamal tan olingan.
Shuningdek, yilning eng yaxshi transferi ham kataloniyaliklarga tegishli bo‘ldi. Joan Garsiyaning transferi mavsumning eng muvaffaqiyatli xaridi deb baholandi.
Yilning eng yaxshi murabbiyi sovrini «Rayo Valyekano» ustozi Inyigo Peresga nasib etdi.
Eng katta progress qayd etgan futbolchi sifatida esa «Vilyarreal» yarimhimoyachisi Alberto Moleyro e’tirof etildi.
Bundan tashqari, ESPN klublarning mavsumdagi chiqishlariga ham baho berdi.
Qayd etilishicha, eng yuqori bahoni «Barselona» va «Rayo Valyekano» olgan. Eng past baho esa «Real Oviyedo» hamda Madridning «Real» klubiga qo‘yilgan.
