O‘zbekiston Futbol assotsiatsiyasi terma jamoalar bo‘limi rahbari Usmon Toshev «oq bo‘rilar» Rossiya milliy jamoasi bilan o‘rtoqlik uchrashuvi o‘tkazishga tayyor ekanligini bildirdi.
«Biz tayyormiz va Rossiya milliy jamoasiga qarshi o‘ynashdan xursand bo‘lamiz. Hozircha oktabr oyida Janubiy Koreyaga qarshi bitta o‘rtoqlik uchrashuvi tasdiqlangan», — deya Toshevning so‘zlarini keltiradi Sport24.
Uning qo‘shimcha qilishicha, O‘zbekiston uchun uchrashuvni sentabr–oktabr oylaridagi birlashtirilgan milliy jamoalar oynasida yoki noyabr oyida o‘tkazish qulay bo‘ladi. Toshev milliy jamoa Moskvada ham, Toshkentda o‘z maydonida Rossiyani qabul qilishga ham tayyorligini ta’kidladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi