Turkiyalik mutaxassis Sergen Yalchin mamlakat milliy jamoasiga bosh murabbiy etib tayinlanishi mumkin. Bu haqda jurnalist Nikolo Skira xabar berdi.
Tomonlar 2030-yilgi jahon chempionatiga qadar amal qiladigan shartnomani imzolashga yaqin. Qayd etish lozim, Yalchinning so‘nggi jamoasi «Beshiktosh» bo‘lgan. Ushbu klub bilan mutaxassis bir martadan Turkiya chempioni va mamlakat kubogi sohibi bo‘lgan.
Faoliyati davomida Yalchin «Antalyaspor», «Malatyaspor», «Alanyaspor», «Konyaspor», «Eskişehirspor», «Kayserispor», «Gaziantepspor» va «Sivasspor»da ham ishlagan.
Avvalroq Skira Turkiya milliy jamoasini Arda Turon boshqarishi haqida xabar bergan, ammo keyinchalik bu ma’lumotni o‘chirib tashlagandi.
Ma’lumot o‘rnida, Turkiya milliy jamoasining avvalgi bosh murabbiyi Vinchenso Montella edi. Natijalar qoniqarsiz bo‘lgani sababli federatsiya u bilan hamkorlikni to‘xtatgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi