Туркия миллий жамоаси янги бош мураббий билан шартнома имзолашга яқин

Туркиялик мутахассис Серген Ялчин мамлакат миллий жамоасига бош мураббий этиб тайинланиши мумкин. Бу ҳақда журналист Николо Скира хабар берди.

Томонлар 2030 йилги жаҳон чемпионатига қадар амал қиладиган шартномани имзолашга яқин. Қайд этиш лозим, Ялчиннинг сўнгги жамоаси «Бешиктош» бўлганди. Ушбу клуб билан мутахассис бир мартадан Туркия чемпиони ва мамлакат кубоги соҳиби бўлган.

Фаолияти давомида Ялчин «Анталяспор», «Малатяспор», «Аланяспор», «Коняспор», «Эскишеҳирспор», «Кайсериспор», «Газиантепспор» ва «Сивасспор»да ҳам ишлаган.

Аввалроқ Скира Туркия миллий жамоасини Арда Турон бошқариши ҳақида хабар берган, аммо кейинчалик бу маълумотни ўчириб ташлаганди.

Маълумот ўрнида, Туркия миллий жамоасининг аввалги бош мураббийи Винченцо Монтелла эди. Натижалар қониқарсиз бўлгани сабабли федерация у билан ҳамкорликни тўхтатган.