"Monterrey" himoyachisi Serxio Ramos faoliyatini "Milan"da davom ettirishi mumkin. Bu haqda Milan News xabar bermoqda.
Ispaniyalik futbolchi Meksika klubini 2025 yil oxirida tark etadi, ammo u faoliyatini yakunlamoqchi emas. Ramosning maqsadi — 2026 yildagi Jahon chempionatiga borish.
Manbaga ko'ra, 39 yoshli himoyachining vakillari "rossoneri" bilan ehtimoliy transfer masalasida gaplashgan.
Bu mavsumda Serxio klubi safida 15 o'yinda maydonga tushib, 2 ta gol urdi. "Monterrey" Apertura ligasida 31 ochko to'plab, 5-o'rinni egallagan holda turnirning pley-off bosqichiga yo'l oldi. Jamoa chorakfinalda "Amerika" klubidan ustun keldi. Yarimfinaldagi raqib "Toluka" hisoblanadi.
Bungacha himoyachining "Real"ga qaytishi mumkinligi xabar berilgandi.
