Mitoma mashinasida bir ayolni urib yubordi

«Brayton» klubi va Yaponiya milliy jamoasi yarim himoyachisi Kaoru Mitoma Tokioda yo'l-transport hodisasi ishtirokchisiga aylandi, deb xabar bermoqda Livedoor News.

Hodisa 8 iyul kuni ertalab poytaxtning Itabasi tumanida sodir bo'lgan. Mitoma boshqaruvidagi avtomobil chorrahada velosiped bilan to'qnashgan. Dastlabki ma'lumotlarga ko'ra, futbolchi transport vositalari uchun qizil chiroqqa amal qilmagan.

YTH oqibatida velosipedda harakatlangan ayol yengil jarohat olgan. Hozirda politsiya voqea joyida tergov harakatlarini olib bormoqda, hodisa tafsilotlari va guvohlarning ko'rsatmalari o'rganilmoqda.