«Barselona» yozda o‘z safiga qo‘shib olgan misrlik yosh hujumchi Hamza Abdulkarim bilan shartnoma uzaytirilganini rasman e’lon qildi.
18 yoshli futbolchi bilan yangi kelishuv 2030 yilga qadar amal qiladi. Abdulkarimning shartnomasidagi tovon puli 15 million yevrodan 150 million yevroga oshirilgan.
Ma’lumot o‘rnida, Hamza 2026 yil 1 fevralda Qohiraning «Al Ahli» klubidan mavsum oxiriga qadar ijara asosida «Barselona» yoshlar jamoasiga o‘tgandi. Kelishuvda futbolchini sotib olish huquqi ham ko‘zda tutilgandi.
Uning o‘yini Kataloniya klubi rahbariyatida yaxshi taassurot qoldirdi va yozda «Barselona» sotib olish huquqidan foydalandi. Transfer summasi esa 1,5 million yevro va bonuslarni tashkil etdi.
Abdulkarim «Barselona» asosiy jamoasi safida hozirgacha bitta o‘yinda maydonga tushib, 4 daqiqa harakat qilgan. Ushbu uchrashuvda u gol yoki assist qayd etmagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi