Бугун, 8 сентябр куни CAFA Nations Cup финалида Ўзбекистон миллий жамоаси ўз майдонида Эронни қабул қилади.
Беллашув «Олимпия» стадионида бўлиб ўтади ва Тошкент вақти билан соат 19:30да старт олади.
Жамоалар шу кунгача 16 бор тўқнаш келишган ва катта устунлик форслар томонида — 1 ғалаба, 5 дуранг, 10 мағлубият.
Аммо сўнгги йилларда жамоаларнинг ўзаро баҳсларида кучлар тенглашиб қолди, яъни охирги 4 та беллашувда ғолиб аниқланмади.
Ўзбекистон ягона ғалабасини 2012 йил Теҳронда қўлга киритган. Ўшанда ЖЧ-2014 саралаши доирасида Улуғбек Бақоевнинг голи Миржалол Қосимов бошқарган жамоага 3 очко келтирган.
Ўзаро ўйинлардаги энг яхши тўпурар Маҳдий Торимий саналади. Ҳужумчи Ўзбекистон дарвозасини 5 бор ишғол қилган. У бугун ҳам майдонга тушади. Али Даий ва Сардор Озмунда 3 тадан гол бор. Ўзбекистондан эса ҳеч ким биттадан ортиқ гол урмаган.
Ўзаро ўйинлар:
14.12.1998 Осиё ўйинлари, 1/4 финал
Ўзбекистон — Эрон 0:4
11.07.2007 Осиё кубоги
Эрон — Ўзбекистон 2:1
05.09.2009 Ўртоқлик ўйини
Ўзбекистон — Эрон 0:0
03.06.2012 ЖЧ-2014 саралаши
Ўзбекистон — Эрон 0:1
14.11.2012 ЖЧ-2014 саралаши
Эрон — Ўзбекистон 0:1
11.06.2015 Ўртоқлик ўйини
Ўзбекистон — Эрон 0:1
06.10.2016 ЖЧ-2018 саралаши
Ўзбекистон — Эрон 0:1
12.06.2017 ЖЧ-2018 саралаши
Эрон — Ўзбекистон 2:0
19.05.2018 Ўртоқлик ўйини
Эрон — Ўзбекистон 1:0
11.09.2018 Ўртоқлик ўйини
Ўзбекистон — Эрон 0:1
08.10.2020 Ўртоқлик ўйини
Ўзбекистон — Эрон 1:2
20.06.2023 CAFA Nations Cup, финал
Ўзбекистон — Эрон 0:1
21.11.2023 ЖЧ-2026 саралаши
Ўзбекистон — Эрон 2:2
11.06.2024 ЖЧ-2026 саралаши
Эрон — Ўзбекистон 0:0
10.10.2024 ЖЧ-2026 саралаши
Ўзбекистон — Эрон 0:0
25.03.2025 ЖЧ-2026 саралаши
Эрон — Ўзбекистон 2:2
