Янги мавсумда ўз олдига юқори мақсадларни қўйган «Қўқон-1912» жамоаси уч нафар ўйинчиси билан шартномани узайтирди.
Клуб матбуот хизмати хабар беришича, дарвозабон Азизхон Исақов, ҳимоячилар Жасур Ёқубов ва Аслиддин Тоштемиров билан битим тузилган. Келишув 2 йилга мўлжалланган.
Якунланган мавсумда қўқонликлар Суперлигада 12-ўринни эгаллади. Лигада қолиш учун плей-офф баҳсида «Хоразм»га қарши майдонга тушади.
Аввалроқ «Сўғдиёна» Жўрабоев, Қобилов ва Иззатов билан шартномани узайтирганини эълон қилганди.
