Испания чемпионатининг 25-турида «Барселона» ўз майдонида аутсайдерлардан бири «Леванте»ни қабул қилади.
Тошкент вақти билан соат 20:15да бошланадиган ва ZoʼrTV телеканали орқали эфирга узатиладиган беллашув учун таркиблар эълон қилинди. Мезбонлар яримҳимоячиси Педри жароҳатдан тикланди — у захирадан майдонга тушиши мумкин.
Маълумот учун, Каталония клуби 58 очко билан 2-ўринни эгаллаб турибди ва бугун ғалаба қозонса, «Реал»ни (60) ортда қолдириб пешқадамга айланади. «Леванте» эса 18 очко билан 19-поғонада.
Ла Лига. 25-тур
Барселона — Леванте
22 феврал, «Камп Ноу»
Барселона — Ж.Гарсия, Кунде, Э.Гарсия, Мартин, Канселу, де Йонг, Бернал, Олмо, Ямал, Рафиня, Левандовски.
Леванте — Райан, Толян, Дела, Маттурро, Санчес, Рей, Оласагасти, В.Гарсия, Алварес, Тунде, Ромеро.
