Ўзбекистонлик ҳимоячи Хуршид Мухторов фаолиятини Индонезия чемпионатида давом эттиради.
31 ёшли футболчи «Персик Кедири» клуби билан келишувга эришди.
Тажрибали футболчи куни кеча янги жамоасига қўшилиш мақсадида Индонезияга учиб кетди.
Мухторов биринчи даврани Қозоғистоннинг «Турон» клубида ўтказиб, Премер-лига доирасида 11 та ўйинда майдонга тушиб, 1 та гол урди.
Футболчи фаолияти давомида «Қўқон-1912», «Сўғдиёна», «Локомотив», ОКМК, «Насаф», «Навбаҳор», «Турон» ва «Нефтчи» жамоаларида тўп сурган.
Аввалроқ Жавлон Гусейнов Индонезия клуби билан шартномасини узайтирганди.
