Дзюдо бўйича Ўзбекистон миллий жамоаси аъзоси Диёра Келдиёрова Қозоғистоннинг Ақтау шаҳрида ўтказилаётган халқаро турнирда олтин медалга сазовор бўлди. У −52 кг вазн тоифасида барча рақибларидан устун келиб, мусобақа ғолибига айланди.
Ҳамюртимиз финал баҳсида озарбайжонлик дзюдочига қарши татамига чиқди ва рақибасини муддатидан аввал мағлуб этиб, олтин медални қўлга киритди.
Эслатиб ўтамиз, Келдиёрова Париж-2024 Олимпия ўйинларида −52 кг вазн тоифасида олтин медални қўлга киритган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади