«Реал» бош мураббийи Алваро Арбелоа Ла Лиганинг сўнгги туридаги «Атлетик»ка қарши ўйин айрим футболчилар учун охирги баҳс бўлишини айтди.
«Биз ушбу ҳафтани, машғулотларни режалаштирамиз ва қайси футболчилар тайёр эканини аниқлаймиз. Бу айрим футболчилар учун хайрлашув баҳси бўлади.
Шунинг учун мухлисларимиз олдида ажойиб ўйин ўтказишга, клуб либосида ҳар бир дақиқадан завқ олишга ҳаракат қиламиз. Бу менга ҳам тааллуқли», — деди Арбелоа.
Аввалроқ «Реал»нинг 6 футболчиси Алваро билан умуман гаплашмаётгани маълум қилинганди.
