"Rayo Valekano" ustozi Inigo Peres oʻz lavozimidan ketayotganini eʼlon qildi.
"Biz birgalikda oʻz maqsadlarimizga erishdik va hatto oʻylamagan orzularimizni roʻyobga chiqardik. Biz amalga oshirgan ishlardan mamnunman", — deya murabbiyning soʻzlarini keltiradi "Mundo Deportivo".
Eslatib oʻtamiz, "Rayo Valekano" Peres boshqaruvida oʻz tarixida ilk bor Konferentsiyalar ligasi finaliga qadar yetib bordi. Hal qiluvchi bahsda esa "Kristal Pélas"ga (0:1) yutqazib qoʻydi. La Ligada esa mavsumni 8-pogʻonada yakunladi.
Qayd etilishicha, Peresga La Liganing boshqa jamoalaridan takliflar boʻlmoqda.
