Marokash milliy jamoasi yarimhimoyachisi Azzedin Unai faoliyatini Gretsiyada davom ettiradi.
“Panatinaikos” 26 yoshli futbolchini “Jirona”dan sotib oldi.
Transfer qiymati 11 million yevroni tashkil etdi. Shartnoma 2030 yil yozigacha moʻljallangan.
Yarimhimoyachi oʻtgan mavsumda La Ligada 24 oʻyinda maydonga tushib, 5 ta gol va 2 ta assistni oʻz hisobiga yozdirib qoʻygan.
Unaiga “Panatinaikos” begona emas. U 2024/25 yilgi mavsumda grek klubida ijarada harakat qilib, 25 bahsda 4 ta gol va xuddi shuncha assist qayd etgan.
