«Реал»нинг навбатдаги машғулоти вақтида Валверде ва Чуамени ўртасида жанжал юзага келди. Майдонда қўполлик оқибатида келиб чиққан низо, кийиниш хонасида давом этгани айтилмоқда.
Бу ҳақда Marca нашри хабар берди.
Аввалроқ, жамоа аъзолари Килиан Мбаппенинг ҳаракатларидан норози эканлиги ҳақида хабарлар тарқалган эди. Франциялик футболчи жароҳат туфайли машғулотларда иштирок этмаяпти, аммо актриса Эстер Экспозито билан Италияга дам олиш учун йўл олган. Бу ҳолат клуб раҳбариятига ҳам ёқмаган.
Маълум бўлишича, жамоа ичида ўта юқори босим мавжуд. Шундоқ ҳам оғир вазият «Барселона»га қарши ўйин олдидан янада ёмонлашмоқда.
Маълумот учун, айнан «Эл Класико»да «Барселона» Ла Лига чемпионлигини расимийлаштириши мумкин.
