Ливеркузеннинг «Байер» клуби қанот ҳимоячиси Мигел Гутеррес Европанинг бир қатор клублари эътиборига тушиб қолди. Бу ҳақда fussball-news.de хабар бермоқда.
Манбага кўра, испаниялик футболчи Мадриднинг «Реал», «Милан», «Манчестер Юнайтед» ва Туриннинг «Ювентус» клублари кузатувида бўлиб турибди.
25 ёшли ҳимоячи ўтган ёзда «Наполи»дан «Байер»га ўтган эди. Битим суммаси 26 миллион еврони ташкил этди. Германия клуби билан Гутеррес беш йиллик меҳнат шартномасига имзо чеккан.
Маълумот учун, «Реал» академияси тарбияланувчиси бўлган ҳимоячи Бундеслиганинг янги мавсумида тўртта ўйин ўтказиб, битта гол урди ва учта голли узатма етказиб беришга муваффақ бўлди.
